क्यानडाविरूद्धको सिरिजमा एक खेल बाँकी छँदै नेपालको जित

काठमाडौं । क्यानडाविरुद्धको एकदिवसीय अन्तर्राष्ट्रिय क्रिकेटमा नेपालले लगातार दोस्रो जित हासिल गरेको छ । कीर्तिपुरस्थित अन्तर्राष्ट्रिय क्रिकेट मैदानमा शनिबार खेलिएको दोस्रो खेलमा क्यानडालाई चार विकेटले हराएको हो ।

अनिल साहको आक्रामक ब्याटिङ्गमा नेपाली टोलीले सहज जित निकाल्न सफल भएको थियो । नेपालको जितमा तीन ब्याट्सम्यान कप्तान रोहित पौडेल, देव खनाल र अनिल शाहले अर्धशतक बनाए । जितसँगै नेपालले तीन खेलको शृंखलामा २-० ले अग्रता हासिल गरेको छ ।

यसअघि बिहीबार खेलिएको पहिलो खेलमा नेपालले क्यानडामाथि सात रनको रोमाञ्चक जित हासिल गरेको थियो । जितसंगै नेपालले एकदिवसीय अन्तर्राष्ट्रिय सिरिज एक खेल बाँकी छँदै आफ्नो पक्षमा पारेको छ । क्यानडालाई ४ विकेटले हराउँदै नेपालले तीन खेलको सिरिजको एक खेल बाँकी छँदै जितेको हो ।

नेपालले पहिलो खेल ७ रनले जितेको थियो । आजको खेलमा पनि विजयी भएसँगै नेपालले सिरिज जितेको हो । सिरिजको अन्तिम खेल सोमबार खेल्नेछ। २८६ रनको लक्ष्य  नेपालले २९ बल बाँकी छँदै पूरा गरेको हो ।