जाजरकोट । चर्चित अभिनेता पल शाहको पहलकदमीमा भुकम्प पिडित जिल्ला जाजरकोटका स्कुले विध्यार्थिहरुलाई ज्याकेट वितरण भएको छ । अभिनय संगसंगै सामाजिक कार्यमा सक्रिय अभिनेता शाहको नेतृत्वमा समय समयमा विभिन्न सामाजिक कार्यक्रम हुँदै आएको छ । 

हाम्रो टिम नेपालमार्फत जाजरकोटमा शाहका समेत पहलकदमीमा सो बिधार्थीहरूलाई ज्याकेट बितरण गरिएको हो । 

‘जाजरकोट जिल्ला जुनिचादे गापा वडा न– ९ श्री आदर्श प्राविका २०३ बिद्यार्थीलाई ज्याकेट बितरण गरेका छौ, सहयोगी सम्पूर्ण मनहरुलाई धन्यबाद,’ अभिनेता शाहले भने ।

तर, जाजरकोट लैजाने क्रममा हराएको ४६ पिस ज्याकेटको बोरा चाँही अहिलेसम्म नभेटेको उनले जानकारी दिएका छन् । उक्त बोरा फेला पार्नेलाइ १५ हजार पुरस्कार दिने अभिनेता शाहले घोषणा गरेका छन् ।