काठमाडौं । अनलाइनमार्फत् सट्टेबाजी गराउने एक जना पक्राउ परेका छन् । काठमाडौं उपत्यका अपराध अनुसन्धान कार्यालयको टोलीले झापाका ३० वर्षीय पिन्टुकुमार साहलाई २४ करोड बढी रुपैयाँको सट्टेबाजी गराएको आरोपमा पक्राउ गरेको छ ।
साहले नेपालको विद्यमान कानुन विपरीत अनलाइनमार्फत् २४ करोड १५ लाख १७ हजार १३८ रुपैयाँको सट्टेबाजी गराएको प्रहरी उपरीक्षक रविन्द्र रेग्मीले जानकारी दिएका छन् ।
इन्टरनेटको दुरुपयोग गरी साहलले रुपी बेठ, मेलबेट, वानएक्स बेट, खेल विन, बेलीज बेट तथा स्काई चेन्जलगायत वेवसाइटमार्फत् सट्टेबाजी गराई विभिन्न बैंक खातामार्फत् पैसा असुल गर्ने गरेको प्रहरीको भनाइ छ।
साहलाई जुवा खेल्न वा सट्टेबाजी गर्न नहुने कसुरमा आवश्यक अनुसन्धान गर्न जिल्ला प्रहरी परिसर टेकुमा पठाइएको प्रहरी उपरीक्षक रेग्मीले बताएका छन् ।
Facebook Comments